一切從這裡開始

本來我只係會隨隨便便煮個麵就算既人，自從同事G用個超簡單曲奇食譜"引誘"我入廚，竟然越黎越有興趣!!一發不可收拾呀~

工欲善其事，必先敗其器，未學整先學敗\(^o^)/

荃灣南豐中心789樓上下走，因為未知自己之後仲會唔會繼續整，先買最最最基本既用具先啦~

同事G提供既燕麥曲奇食譜真係超簡單，全部撈埋就搞掂，
用光波爐都一次就大成功!!yeah~
少油少糖仲有燕麥同合桃，好味又健康啲~
新年都整咗幾底黎送禮，大獲好評呀!!


之後就開始不停上網搵食譜，有新食譜又去敗新用具，雙重開心^皿^彩色既量匙真係睇到都開心♡
"為食貓"係睇得最多既網，食譜都好簡單，跟入面既食譜整咗好多野呀~仲學到好多小技巧添~

黑芝麻muffin，好香芝麻味，第一次整muffin，發得起已經yeah哂啦


朱古力muffin，有少少經驗同熟手咗少少，出黎效果好好呀~!朱古力味又濃又香，只係...洗碗果時真係好恐怖...
朱古力謀殺案咁...(￣∇￣")

朱古力粒曲奇，又係好易整，不過太貪心搞到岩石咁大塊(^_^;)

忽然間覺得，廚房就好似以前Chem堂喺實驗室做實驗咁，
量好份量，跟住個食譜一步步去做，原來我都可以做到架!!

黎緊繼續搵新食譜，乜都試繼續做實驗!!