港燈 - 王子結婚蛋糕

升級西菜話咁快就黎到最後一堂，今堂整免焗既王子結婚蛋糕~!!

邊個王子呢？咪就係威廉王子結婚果時既蛋糕囉~

報紙話王子個家傭知道佢地一家鍾意食呢種蛋糕，所以專登整既~超簡單易整但絕對見得人呀~!!

老師稱呢種蛋糕做"庶渣板蛋糕"^.^~，材料撈勻壓實雪凍就食得，英國有好多唔同變奏，但都離不開果幾樣材料，另外有報紙介紹海港城某餅店賣呢個9cm x 9cm既蛋糕就要$180!!!

我地學呢個就係老師改良個食譜，減咗糖但依然夠哂甜，用埋心形模，睇到都sweet哂啦~
同事們試食個個都讚~好味又飽肚(^_^;)

材料：

牛油一磚，無錯，係一磚！食就唔好諗啦...
蜜糖、馬利餅、乾果、果仁、可可粉、朱古力粉

1）7"甩底心形模 / 6"甩底圓模先加牛油紙；
馬利餅壓碎、乾果及果仁剪碎；牛油慢火煮溶；

2）馬利餅碎放入大碗，加入乾果粒、果仁粒、可可粉及朱古力粉撈勻

3）加入溶牛油及蜜糖撈勻

4）倒入蛋糕模用力壓平，一定要壓得夠實，如果唔係切既時間就會散開，放入冰格雪15~20mins

5）脫模待裝飾

6）熱水分別座溶黑白朱古力

7）黑朱古力全部淋上蛋糕面，白朱古力入唧袋，喺蛋糕面唧上幼線

8）用牙籤挑出花紋，再灑上金珠；要快手襯朱古力未乾就搞掂，唔係就好似我果個咁......:-(

9）再入冰格雪5mins，完成~!

呢個老師既~好靚呀~~!