湯種朱古力小圓包

新鮮出爐朱古力小圓包~!!

連續整咗幾日包，開始掌握到搓麵糰個感覺，日日有進步~yeah!!

湯種榛子玉桂卷

今日搓麵糰好似又有進步V^.^v

開始掌握到"滾圓"既技巧，要一邊滾一邊收，先會有拉緊既表面；
不過擀麵糰好難呀…擀到實哂都未去到想要既形，要繼續努力練習啦!!好彩仲有大鼠陪我捱一批批既實驗麵包^^

好既開始~

發得好大呀!!(ok...我認我唔覺意放多咗酵母)

壓扁排氣後又縮返，嚇得我以為係下塌><

擀極麵擀唔出長方形="=
鋪滿Nutella同玉桂粉，好香呀~!!

卷起切件，切到又大又細...哎...

出爐啦~!!好香玉桂味呀!!
賣相雖然同想像唔同，但都算合格啦~

湯種朱古力包

唔好俾佢停!!再黎湯種朱古力包!!!
今次整咗成4個鐘，好努力去搓好d個麵糰
效果真係有好咗呀~~雖然隻手好酸痛......

湯種牛油軟包

湯種牛油軟包~第一次就成功~
整咗3個半鐘，自己揉麵糰雖然攰，但專心去揉個心情好舒服~
佢地係有點醜，但個心好溫柔架~

湯種

最近迷上睇手工麵包食譜，睇咗好多食譜，發現"湯種"原來一d都唔複雜神秘，簡單到係高筋粉同水1:5搞掂!!

原理係麵粉入面既澱粉質受熱膨化，過程中麵粉會充份吸收水份，從而增加麵糰含水量，令麵包組織柔軟，濕潤，富彈性及延緩麵包老化時間 《用麵種做麵包 - 廸比》

海鮮海鮮~打邊爐~!!

大鼠問我生日想食乜，諗咗好耐，我都係鍾意喺屋企舒舒服服打邊爐~

臨出發去街市買海鮮，個天2分鐘內黑哂!!一出門口就橫風橫雨!!大鼠話個天黑得越快d雨越勁，不過亦都好快會停，應該半個鐘內就會收雨，咁就匿入茶餐廳嘆返個大大炸雞全翼下午茶先啦~

煎格仔牛扒

大鼠嫌aeon既牛扒細，今日去sogo買，撞著感謝節，好多人呀(>﹏<)
迫到去肉櫃，見到澳洲肉眼同澳洲和牛肉眼幾靚$68~$72/100g，每樣買咗塊；鵝肝$99.9/100g，要咗件大約110g，返屋企lu~

牛扒鑊，上海街買既，$40!!
生鐵鑊夠熱，電磁爐都用得~
用熱水洗下就ok，記得唔好用洗潔精，洗哂d油份好易生鏽同黐底，唔用掛起佢慳位d

客家茶粿

跟「鯉賞空間」遊鯉魚門~仲有客家茶粿製作體驗~!!(≧∇≦)

整茶粿個份量好似有個大概然後隨心咁，食譜就係4份糯米粉，1份沾米粉，熱水，油，完(￣∇￣)

Coup Kitchen - 曲奇餅10

再黎Coup Kitchen學整餅~
好充實既課程呀，2.5hrs整咗3款唔同做法既曲奇，我真係有d手忙腳亂，整得黎都無時間影相(^_^;)

工欲善其事，必先敗其器~!

其實我係咪中咗降呀!?

乜(又)買咗咁多野返黎咩!!??

免揉脆皮麵包2 - 成功篇

麵糰有乖乖快高長大喔~前晚開始整，尋日成日心掛掛，放工返去焗起，今朝有得食啦~!

覺得呢個包外脆皮內鬆軟，但淨食既話，食落好大酒味，可能成份太簡單，所以冚唔到陣發酵味；不過做法實在太簡單，值得玩下高興下~Y(＾_＾)Y

韓式牛仔骨+XO醬玉子豆腐炒翠玉瓜

放工煮飯簡直係決戰1分鐘既挑戰，所以要揀方便快煮既菜式。

推介阿信屋呢支韓式牛肉醃汁!!
7折買，十零蚊，用惠康牌$54盒既牛仔骨，都醃走哂雪味膻味，仲又鬆又入味~
蘋果+梨成份果然有鬆肉效果~

免揉脆皮麵包

喺好耐好耐以前，有個傻婆想食balgian waffle，就去阿信屋一野買咗2盒酵母返黎，點知整咗一次就發現奶糊發酵既味唔係一般既臭......果次之後盒酵母就收咗入櫃既深深處。
隨著酵母既味嘗期限日漸迫近，個傻婆又去阿信屋買包高筋粉返黎整麵包，為酵母尋出路。

Coup Kitchen - 芒果天使蛋糕

趁放假同同事G去天后既COUP Kitchen學芒果天使蛋糕~
去到已經分配好位置，唔使爭唔使霸

難度☆☆，對於我黎講都唔易整架
香蕉戚風蛋糕，夾心芒果蓉cream+鮮芒果粒，榛子朱古力脆脆底，將我鍾意既野全部砌埋一齊~好香呀~