免揉脆皮麵包

喺好耐好耐以前，有個傻婆想食balgian waffle，就去阿信屋一野買咗2盒酵母返黎，點知整咗一次就發現奶糊發酵既味唔係一般既臭......果次之後盒酵母就收咗入櫃既深深處。
隨著酵母既味嘗期限日漸迫近，個傻婆又去阿信屋買包高筋粉返黎整麵包，為酵母尋出路。

材料只有高筋粉，鹽，酵母同暖水，撈埋哂之後，黏黏既粉團要發酵一晚，今朝先整形入爐焗，出爐第一包係半成功(半失敗!?)既!!
因為第二次發酵未夠就太心急入爐；無哂牛油紙用咗錫紙，搞到個底太濕；個盤太高個面燶咗少少，第一包黎講都算係咁啦~
雖然要用好多時間，但焗起個包都幾開心~要繼續努力試多幾次!!
下個目標係小圓包!!