臨出發去街市買海鮮，個天2分鐘內黑哂!!一出門口就橫風橫雨!!大鼠話個天黑得越快d雨越勁，不過亦都好快會停，應該半個鐘內就會收雨，咁就匿入茶餐廳嘆返個大大炸雞全翼下午茶先啦~
果然茶餐都未食完就收雨!!快快衝去買餸啦~
可能落咗場勁雨，楊屋道少人咗dd，起碼都叫做行得郁(^_^;)
今日買所有野都好正呀!!!
湯底，買咗1條白蘿蔔，2支粟米，切細件，加1包豬骨湯底，車哂落30cm煲，一路處理其他野一路由佢煲，滾咗2個鐘，一開蓋蘿蔔已經淋哂~
新淘咗個切蒜蓉機，好好用，成個蒜頭，拍咗幾十下就碎哂，全程唔洗5分鐘，又唔使琢到手都軟
大蟹$280/斤，呢隻$380，超！生！猛！超！級！甜！！
三昌牛肉手切牛頸，老闆切舊靚既，話係新開一條近頸咀(?)真係好好味~!!
美國桶蠔，大鼠喺廚房一開蓋，鮮蠔味湧哂出黎，我喺廳都聞到呀~
桶蠔都係美國桶蠔又香又大，我習慣買綠色，今次桶細既都有5隻~試過買桶大既，得4隻，隻隻手板咁大！
開蓋係咁依沖沖水就得，沖太耐會洗哂d海水同蠔味
左為網絡圖片
龍躉，枱面果d太大舊，魚檔好好人另外喺個尾度切俾我，有皮有肉~
叫佢切埋件，唔係返去有排劈......不過有時佢切得太大件都要自己切一半
象拔蚌仔，好少見，$100/3隻，鮮呀~!檔口已經幫手劏咗同去殼，仲留返個"膽"，返黎去衣切細就得；個"膽"係上面黑色果舊，食落有d似生蠔果泡，但無咁濃味；
就咁用手去衣都幾難，應該搵熱水淥一淥就好易搣走，不過咁樣淥完仲使打邊爐既....所以我地盡搣之後就由佢，食果時淥完搣走先食咪得囉~就得唔好淥咁耐呀，10秒左右，啱啱開始變硬就得啦，過熟就好韌架啦
蜆，想食好耐啦~!呢檔質素有保證，又平又無沙，呢隻$24/斤，呢度斤半
臨尾加多個烏冬，果啖湯鮮甜到呢~~~正呀！
沒有留言:
張貼留言