韓式牛仔骨+XO醬玉子豆腐炒翠玉瓜

放工煮飯簡直係決戰1分鐘既挑戰，所以要揀方便快煮既菜式。

推介阿信屋呢支韓式牛肉醃汁!!
7折買，十零蚊，用惠康牌$54盒既牛仔骨，都醃走哂雪味膻味，仲又鬆又入味~
蘋果+梨成份果然有鬆肉效果~

半盒牛仔骨剪開，一個細洋蔥切大件，半樽醃汁，倒入保鮮袋放埋一邊，醃半個鐘，煎起食得( ´▽` )ﾉ

XO醬玉子豆腐炒翠玉瓜，$3/2支玉子豆腐，平到我以為老板收錯錢(^_^;)
玉子豆腐切開，兩邊沾粟粉，先細火慢慢煎香，上碟備用；
一條翠玉瓜打橫切片，就返玉子豆腐尺寸，落鑊略炒，順手用埋上年新年鮑魚麵禮盒樽XO醬，大約1tbsp，炒到翠玉瓜差唔多熟，倒返玉子豆腐落鑊輕力兜勻，上碟，開飯!!