港燈 - 美式燒排骨

一直都好怕喺街食ribs，因我太論盡，成日食到成手成面都係，又會飛骨.....喺屋企食就可以盡情地啜手指啦~~~

港燈 - 澳門葡國雞

由細到大都鍾意葡汁多過咖喱，唔辣，無咁濃味又滑d~
呢個葡國雞雖然材料大堆頭，但做落又唔算好複雜，加咗好多蔬菜，用法國春雞整，嫩滑好味，個汁無落椰漿都隱隱有椰汁味，送飯一流！

港燈 - 聖誕果子蛋糕

睇個名完全唔知係咩黎，好奇報黎玩下啦~
11月已經要整定聖誕食既蛋糕，要等成個月，原來仲有個故事~

涼伴冰菜

行街市見到冰菜，之前試過用黎打邊爐，口感同味道怪怪地咁....之後上網睇返原來用黎涼拌最正，一於試多次!!

海底椰螺粒煲雞

第一次煲海底椰，諗咗好耐使唔使去殼(￣∇￣)

港燈 - 日式輕軟芝士蛋糕

日式芝士蛋糕鬆鬆軟軟，入口又綿又香芝士味，幾下就食咗半個啦~
用分蛋法簡單就做出鬆軟蛋糕啦~

棉花糖Minions!!

老友仔仔百日party，整d開心小食，大人小朋友都like~^皿^~

老友一向鍾意Minions，跟偽主婦整個棉花糖minion~!!仲有迷你的迷你兵~♡口♡~

蘋果Dutch Baby

放假食Dutch Baby，簡單快趣又有feel~~

材料及做法

蒜蓉翠肉瓜炒豬頸肉+白灼蝦

自己公事繁忙日日都好夜收工，搞到大鼠都無啖好食，於心有愧呀…...今日就煮返餐，清一清呢個月俾外賣塞滿既腸胃


蒜蓉翠肉瓜炒豬頸肉

港燈 - 酥皮鵝肝焗牛柳

停咗成3個禮拜，終於有堂上啦~
呢排忙到頭暈暈，但係有得學下整野食，成個人都放鬆哂~做自己鍾意做既事真係減壓妙方^_^

酥皮鵝肝焗牛柳，聽落同威靈頓牛柳好似，但做法簡單到難以置信呀！

燜燒杯豬骨湯3色粉

午餐來咯~~繼續用燜燒杯無火煮食~
喺櫃搵到包3色貝殼粉，加粒濃湯寶，半個鐘食得~!!

燜燒杯腸仔意粉

燜燒杯煮午餐實驗第2波!!
我係一個意粉怪，所有形狀既粉都愛~~
今次試整腸仔意粉，因為比較容易帶返公司

燜燒杯火腿米線

買咗個燜燒杯之後睇咗好多食譜，覺得都係出街用既時候威力最強大，密謀緊帶返公司用，今日放假得閒就試下燜燒杯整個米線，成功既話以後lunch就多d選擇啦~~

象印燜燒杯 開杯~!!

FB經常見到有人分享燜燒杯食譜，好似好神奇咁，加熱水，焗下就有得食，咁啱見到呢排有特價，行過就買咗個返黎玩~

港燈 - 王子結婚蛋糕

升級西菜話咁快就黎到最後一堂，今堂整免焗既王子結婚蛋糕~!!

邊個王子呢？咪就係威廉王子結婚果時既蛋糕囉~

港燈 - 煎農場豬扒 伴西梅紅洋蔥汁

今堂出現上堂好少見既新鮮肉~
我從來都唔鍾意食煎豬扒，因為感覺好乾好嚡，老師見好多人都煎唔好豬扒，所以專登開一堂，仲話大家食過新鮮豬扒一定返唔到轉頭咁話~!!
又真係幾好味喎!!肉質果然有分別!!唔多食豬扒既我都食哂成塊呀~~

有同學仔話試過買新鮮豬扒都唔特別好，原因竟然係........."你同個豬肉佬唔熟囉"

港燈 - 鮮人蔘釀雞

最近忙到頭暈暈，報咗班都爭d上唔到，好彩最後都趕得切，有隻滑滑蒸雞做晚餐~~

我覺得我整果隻仲好味過老師果隻~哈哈！大鼠都話好味~三兩下就食哂啦~~大成功!!

呢隻先係我既~^^~

醉雞汁醉鴨舌、雞翼

整開鹵水順手整多個醉鴨舌同醉雞翼~
雪凍黎食最啱呢d天氣，一下就食咗半盒啦~

鹵水汁鹵蛋、雞翼、火雞腎

早排想去野餐，點知天氣唔好取消咗，滿心歡喜預備咗既材料就一直塞住冰格，直到今日大鼠忍唔住開聲問幾時有得食，好，臣妾馬上去準備!!

登登登櫈!!秘制李錦記鹵水汁!!

我知我知，鹵水汁自己整好味好多吖嘛，又香又足料吖嘛，但係唔好咁高要求既話，其實呢支鹵水汁真係簡單方便快靚正!!!重點係喺超級市場就買到，放工返黎先買都無問題~

港燈 - 蒜香羊架配橙檸汁

升級西菜第2堂~羊架!!yeah!!
除咗好味羊架之外，仲有配菜同個好味橙檸汁~但全部都係1個鐘搞掂哂，真係快靚正呀~!!

港燈 - 西班牙海鮮飯 Paella

想整西班牙海鮮飯好耐啦，但一直都覺得好難搞，最麻煩係要好多材料但每樣只落少少少少....

難得報到呢個超難報既堂，超期待呀!!

玻璃朱《星級菜自家煮》五星菜式烹飪示範

嘩嘩嘩!!!竟然俾我報到呀!!一班40人，45分鐘就full咗啦，真係報完先知驚險呀~~

終於見到玻璃朱真人啦，佢無架子仲好搞笑呀，仲有維維媽，平時睇佢地既blog，見到真人，即刻立體哂~^O^~

Coup Kitchen - 卷蛋

之前都試過跟網上食譜整牛乳紋卷蛋，但個餡始終唔太掌握到，又想學下正確既手法，諗咗一下就報咗Coup Kitchen既卷蛋班啦
有"合桃蜜糖卷蛋" "竹炭芝麻卷蛋"~
一個用牛油，一個用菜油，一個香，一個軟

港燈 - 燒烤牛肋排 Short Ribs

終於等到升級西菜開學啦~~今次有牛羊豬同埋甜品，正呀！
第一堂先黎"燒烤牛肋排"，自己整埋個BBQ醬，簡單快趣又好味~
不過我唔係咁接受到太生(鮮紅色)，之後略煎一煎就啱哂啦

豹紋蛋糕卷

有人喜歡豹紋嗎~~
用竹炭粉+無糖可可粉就可以啦~

可可乳牛蛋糕卷

好耐之前搵到呢個咁吸引既食譜已經好想試，但係一直都怕失敗而唔敢整海綿蛋糕，今日終於鼓起勇氣一試啦！
材料簡單又易整，比我想像中順利好多~
奄尖大鼠都讚好~味道、口感、鬆軟度都好得呀~!!

因為係整黎送俾母乳媽媽，所以將原食譜既咖啡粉改為無糖可可粉，份量少少，食得開心~

麻蓉包

早兩日同同事share壽包果時講開依家好少地方有得賣麻蓉包，反正同壽包一樣都係中式包，學咗唔好嘥，上網搵埋麻蓉餡食譜，試下啦~

最難既地方係，我好似無食過麻蓉包....所以味道、口感、質地，都要靠大鼠俾意見啦~

港燈 - 蓮蓉蛋黃壽包

可能朝早既關係，大家都有d渾渾噩噩混混亂亂手忙腳亂咁上堂，再加上超級唔夠時間，幾驚隻隻都爆肚/龜裂，好彩最後都算見得下人(^_^;)
一人整16隻!!!幸好之後返工有同事們幫手清貨咋

黑白芝麻辮子包

好耐無整包啦!!!!之前無位搓麵糰，諗起都唔想整，最後終於淘咗塊good fit擀麵板返黎，用起黎真係超爽!!
搓個麵糰比之前慳返一半力呀T^T

港燈 - 雜菌香檳煎雞扒

中級西菜話咁快就最後一堂啦，呢4堂學到用簡單既方法整焗牛柳、焗批、仲有兩個白汁，真係好開心呀~已經好期待下期升級西菜啦~~
今次學既係好簡單方便但又好靚好好味既
"616雞扒"~

太后特製火雞翼

碟咁大既火雞翼呀~~~

新擀麵板~^~^~

Yeah Yeah~~終於買到擀麵板啦!!!可以重投手工麵包既世界啦~~~

港燈 - 橙汁鱈魚文也 Cod Meunière with Orange Cream Sauce

"文也 Meunière，is a way of cooking"

今次最開心學到個配海鮮既橙汁~
至於魚柳，洗淨醃好，上麵粉蛋液再煎香~簡單又好味~~

無水蒸海鮮鍋 encore

呢個海鮮鍋實在太方便又好味~今日encore同太后食~

奄仔蟹又生猛又多膏，不過真係好污糟.....除咗個身好多泥，成個胃都係黑色既沙.....千祈千祈唔好原隻蒸，唔好整污糟下面d菜吖嘛~
真係要原隻蒸就先放入冰格20mins雪暈佢先，唔使佢掙扎到斷哂腳又無咁殘忍......

另外仲有1/2斤海蝦同2斤蜆，塞到個30cm滿哂(^_^")

底白蘿蔔，中間娃娃菜，面海鮮，加蓋中火6mins，細火20mins，開蓋食得~

食完海鮮用海鮮湯煮個烏冬~好好味呀~~~

港燈 - 洋蔥煙肉批 QUICHE LORRAINE

~中級西菜第二堂~
傳統洋蔥煙肉批，7"批，牛油呢就100g，
芝士100g，仲有2隻蛋添.....
真係.....好邪惡!!!但真係好香呀~~~

Dutch Baby 荷蘭烤鬆餅

超簡單既Dutch Baby，材料係隨手有既雞蛋、牛奶、麵粉，配鍾意既生果，灑一層糖粉，甜甜的，做早餐、下午茶、宵夜都啱~

無水蒸海鮮鍋 - Lock & Lock 版

被洗板咁耐，終於到我"無水蒸海鮮鍋"啦~!~
我無超鎖水LC，但我有LL (lock & lock):-P

本來無水蒸係利用LC鑄鐵鍋鎖水既特點，利用食材本身既水分黎原鍋蒸，做到原汁原味，我發覺lock & lock鎖水都唔差喎，可以一試~!

港燈 - 燒牛肉伴黑椒汁

期待咗好耐既1連4堂《中級西餐》開始啦~YEAH~~
第一堂係燒牛肉跟黑椒汁，老師示範3 paper source

原來，燒牛肉，係焗架(^_^;)

日式蕃茄牛肋條

兩個月前衝動地買咗包牛肋條，一直塞住喺冰格，睇咗好多食譜，最終都係跟鬼嫁整，超方便簡單仲好好味！牛肋條超腍！個汁撈飯無得頂呀~!~

去aeon買盒蕃茄磚，加多個洋蔥紅蘿蔔，細火煮2個鐘就搞掂~

蟲草花蒸雞煲仔飯 - lock & lock 煲

材料同煮都超級簡單方便，最啱放工整~
餸連飯一煲過，原汁原味仲洗少隻碟:-P

涼拌青瓜

打開雪櫃見到整沙律剩低既半條青瓜，用黎整涼拌青瓜今晚加餸~

759阿信屋 深海鱈魚白子 [中伏]

呢隻急凍白子出咗好耐，759個網同FB講到好正咁，一直都想試下，終於襯7折果時買咗盒，又終於得閒整勒...

由溶雪到完成，只可以話：腥到PK！

腥到可以拎去釣魚....

(有圖，慎入....)

燒牛肉沙律

呢排咁熱，食涼浸浸既沙律人都爽d~
早兩日喺aeon凍櫃$29.9買咗包燒牛肉(唔記得影相)，配沙律啱哂

港燈 - 澳門葡式紅豆豬手

睇個名用紅豆好似好奇怪，查實係紅腰豆黎既~
個汁好好味！老師仲專登煲埋飯俾我地試食~

牛油果蟹柳沙律

用早兩日食剩既半斤唐生菜同半條青瓜，加d材料簡簡單單又食一餐~